Carboeiro acolle a estrea do espectáculo Marionetas e guitarras no Camiño

0

Silleda, 24 de agosto do 2020 – O mosteiro de Carboeiro en Silleda é o lugar elixido para a estrea do novo espectáculo de Viravolta Títeres: Marionetas e guitarras no Camiño.

Será na primeira fin de semana de setembro, do 4 ao 6 con dúas funcións diarias as catro e media e seis e media. Marionetas e guitarras no Camiño é un concerto teatralizado baseado no relato do monxe italiano Giacomo Antonio Naia, que peregrinou a Santiago no século XVIII.

Viravolta Títeres desenvolve esta proposta conxuntamente co guitarrista Fernando Reyes, experto en música antiga e temas xacobeos.

Carboeiro acolle a estrea do espectáculo Marionetas e guitarras no CamiñoEsta estrea foi presentada na Sala de xuntas do Concello, ca presenza de Anxo García, de Viravolta, Fernando Reyes e a concelleira de Cultura, Mónica González, quen convidou ao público a disfrutar dun espectáculo “único, diferente, e que de seguro será un éxito polo aval que supón o prestixio dos seus artífices”.

Anxo García sinalou que é unha satisfacción volver a traballar con Fernando Reyes, gran coñecedor dos relatos sobre o camiño e co que están a traballar para a estrea desta proposta.

No escrito de Naia noméanse ademais lugares coma O Foxo, daquela o núcleo do que hoxe é Silleda, ou Chapa, entre outros. Pola sua banda, Fernando Reyes, cun extenso currículum como músico e destacado guitarrista, apuntou  que Carboeiro, (no que tamén ten actuado co seu grupo de música clásica Resonet) “é un dos lugares máis emblemáticos e un mosteiros máis emotivos”.

 Ryes tamén sinalou que o relato de Naia ten varios puntos destacados para comprender a peregrinaxe a Santiago. Así, apuntou que Naia “era unha persoa alegre que repartiu alegría” e que con esta proposta “se intenta non tanto rememorar outros tempos senon amosar que naqueles tempos o Camiño de Santiago ou a vida nos conventos coma Carboeirao pode ser moi distinta do que hoxe pensamos”. A música como vehículo de comunicación, sempre presente nos relatos de peregrinos anteriores ao século XIX é outro dos eixos desta proposta cultural ca que se abrirá ademais a programación silledense do mes de setembro.

Pola súa banda a concelleira Mónica González agradeceu ao Xacobeo e aos autores do espectáculo que elixiran Carboeiro para a súa estrea. “O mosteiro xa non é só un referente turístico da comarca e da Galicia interior senon que tamén é unha referencia para a celebración de actividades culturais, como se ten demostrado nos últimos anos”, engade.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial