Trazo deixa sen aprobar a Conta Xeral por un erro da Secretaria

0

Trazo, 6 de outubro do 2020 – O Pleno ordinario celebrado o pasado venres en Trazo deixou enriba da mesa a aprobación da Conta Xeral 2019 despois de que estivera ditaminada a súa aprobación na Comisión previa.

A situación provoca que o concello non poida remitir a Conta en prazo, ao Tribunal de Contas, e terá que convocar esta mesa semana un novo pleno. A voceira socialista de Trazo, Beatriz Domínguez, foi que solicitou ao comezo do punto que se deixara sen debater “pola inmensa cantidade de erros que contén o documento como os asistentes, votacións, datas, intervencións… da Comisión de Contas, así como o ditame da secretaria, que se refire ás Contas de 2018, non ás de 2019”.

A Conta Xeral 2019 fora ditaminada positivamente por todos os grupos nas Comisións previas ao pleno. A Secretaria municipal no envío da documentación cometeu o erro de remitir a Conta do 2018 polo que nada do exposto no documento coincidía co que se pensaba aprobar. O socialistas criticaron o feito de que non é a primeira vez en que esta funcionaria, habilitada nacional, non cumpre coas funcións de intervención e fiscalización que ten atribuídas e lembran que foi denunciada polos presuntos delitos de falsidade documental e administración desleal do patrimonio público.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial