Un incendio nunha fábrica de rótulos e a caída dun poste mobilizan ao GES de Brión

0

Brión, 16 de febreiro do 2021 – Día axetreado para o GES de Brión con dúas saídas para apagar un incendio en Teo e despexar unha vía pola caída dun poste de teléfono.

O Grupo de Emerxencias Supramunicipal de Brión colaborou na extinción dun lume industrial no municipio de Teo, producido nunha fábrica de rótulos ás 9:43 horas. Chegados ao lugar do lume na Bomba Urbana Lixeira, os efectivos do GES sumáronse aos do GES da Estrada que, en colaboración coa Garda Civil e Protección Civil de Teo, xa estaban traballando na extinción do lume.

A actuación do GES de Brión consistiu en apagar o lume e proceder a arrefriar a contorna para despois proceder a ventilar toda a instancia, que tiña unha forte carga de fume producida pola combustión dos plásticos existentes na fábrica. Só se produciron danos materiais.

Caída dun poste

Por outra banda o GES recibiu unha chamada do 112 pola caída dun poste de teléfono no lugar de Goians. Os efectivos desprazáronse ata o lugar acompañados pola policía local. Debido á inestabilidade do poste, en mal estado de conservación, e o risco que podería supoñer para os usuarios da estrada, os operarios decidiron retiralo e asegurar o cableado, pasando aviso á empresa encargada do mantemento para que proceda á substitución do poste o antes posible.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial