Un maio de cultura en Arzúa

0

Arzúa, 3 de maio do 2021 – O concello de Arzúa ven de presentar a programación de actividdes do mes de maio que continúa a iniciativa Primavera Cultural.

A edil de Cultura de Arzúa, Aurora Varela, foi a encargada de explicar as distintas propostas que estarán centradas, en boa parte, no Día das Letras Galegas.

A primeira proposta comeza este mesmo martes e durará ata o día 14 na Capela da Madanela. Trátase dunha exposición colectiva e multidisciplinar baixo o nome de Enmascarad@s. Unha mostra homenaxe ao Entroido galego e ao carnaval en xeral que foi adiada no pasado mes de febreiro debido ás restricións sanitarias.

A exposición, comisariada por Cristina Carballedo, conta coa participación de 28 artistas galegos e poderase visitar en horario de 18:30 a 20:30h de luns a venres. A inauguración oficial terá lugar ás 18:30h con entrada libre e control de aforo.

Cine en galego

O venres 7 dará comezará un ciclo de cine en galego coa proxección do filme A illa das mentiras ás 20:00 no telecentro. O venres 21 á mesma hora prográmase o visionado de O que arde e para o 28 a película seleccionada é Trinta lumes. Para poder asistir a calquera das sesións de cine hai que reservar praza previamente contactando co Departamento de Cultura no teléfono 981500222 ou no correo cultura@concellodearzua.com ata o día de cada sesión ás 14:00h.

Día das Letras Galegas

O luns 17 de maio, Día das Letras Galegas, Arzúa contará co espectáculo Epístola ás neofalantes da compañía Aldaolado. Terá lugar na Praza de Galiza ás 18:00h ou no Multiusos Terra do Queixo, en caso de mal tempo.

En esta proposta a poesía, a música e sobre todo o humor están orientados a reafirmar a nosa lingua como unha lingua moderna, síntoma de coñecemento e cultura e, sobre todo, con moitas primaveras por diante por obra e graza das persoas neofalantes. Esta actuación será tamén retransmitida en directo a través da páxina de Facebook do Departamento de Cultura.

Kogumelos

Por último, a programación do mes de maio complétase coa exposición do Proxecto Kogumelos na que o veciño de Arzúa Agustín Sánchez Carro presenta ao público a súa iniciativa de intervención artística no medio natural.

Os traballos de Sánchez poderanse ver na contorna do encoro de Portodemouros. Inaugurará a mostra o día 22 ás 17:00h na Capela da Madanela e poderá visitarse na semana do 24 ao 30.

Garantiranse todas as medidas de hixiene e protección fronte á Covid-19 durante as actividades.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial