Vedra non  para e celebra o Viño da Ulla

0

Vedra, 5 e abril do 2021 – Dentro do programa “En corentena Vedra non para” o concello celebra a Exaltación do viño da Ulla.

Vedra preparou unha serie de actividades adaptadas ao contexto actual para que unha das súas festas máis emblemáticas non deixe de celebrarse.

Imaxe de arquivo dunha edición anterior da Festa do Viño da Ulla

Fotografía e memoria

A Exaltación do Viño da Ulla terá unha certa presencia case ata final de ano. Desde este mes e ata novembro manterase aberto o concurso de fotografía “A cultura do viño na ribeira do Ulla”. Trátase da primeira edición do certame.

O programa que comezou en xaneiro baixo a denominación V12 e que percorre online as parroquias tamén terá este mes unha referencia ao viño da Ulla. Baixo o nome “de pesca e viño” visitará a parroquia epicentro da celebración, San Miguel de Sarandón.

Este venres o Secretario Xeral da Denominación de Orixe Rías Baixas, Ramón Huidobro, ofrecerá unha charla co título de “O posicionamento da ribeira do Ulla na D.O. Rías Baixas”.

E a memoria terá unha cita especial este sábado día dez no campo da festa de San Miguel de Sarandón. O programa da TVG “Que nos pille rebolando” estará en directo desde as 15,40 lembrando o que foron todos estes anos con entrevistas e actuacións musicais.

Un pouco antes, as doce e a porta pechada no Pazo de Vistalegre, non faltará a III Cata Concurso do viños Rías Baixas Albariño da subzona Ribeira do Ulla. Os gañadores recibirán os galardóns pola tarde no campo da festa.

A festa conta este ano coa colaboración do concello de Vedra, da Asociación de Festexos Populares San Miguel de Sarandón, o Xacobeo 21 e a Xunta de Galicia.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial