Vilagarcía quere a “Sarita” que garda a Fundación Camilo José Cela de Padrón

0

Padrón, 27 de agosto do 2021 – O futuro da locomotora “Sarita” que se garda na Fundación Camilo José Cela de Padrón podería estar no Museo do Ferrocarril de Vilagarcía.

O concello Pontevedrés iniciou os trámites coa Fundación de Ferrocarriles para conseguir a cesión e comprométese a restauración da “Sarita”.

Os comezos do ferrocarril en Galicia

Sarita chamábase en realidade Sar, polo río, pero a súa popularidade acabou por ter o actual alcume. Sarita foi a primeira máquina de tren en Galicia unindo os concellos, por aquel entón, de Conxo e Carril ou o que sería hoxe en día Compostela e Vilagarcía.

O seu último traxecto foi en 1935. Posteriormente foi comprada polo abó de Camilo José Cela, John Trulock, e acabou pertencendo á Fundación de ferrocarriles que a cedeu a Fundación situada en Iria para expoñela.

Na actualidade está cuberta por unha lona. O concello de Vilagarcía xa hai tempo que intentara a cesión para revitalizar o Mufevi, O Museo do ferrocarril de Vilagarcía, situado na antiga estación a onde chegaba Sarita e que se espera reabrir antes de que acabe o ano. A locomotora estivo por última vez na vila en 1968, participando en Fexdega.

Preocupación nas redes padronesas

A páxina de Facebook Actualidade de Padrón mostraba onte a súa preocupación por que a locomotora salgada vila. Lembraba que na Fundación camilo José Cela tamén estivo a locomotora Sestao que acabou no museo de Ponferrada “pois a Fundación de Ferrocarriles Españoles considerou que o abandono ao que estaba sometida en Padrón podía facer que quedase reducida a óxido para sempre. E un ano despois, no 2019, levouse igualmente o vagón que acompañaba ás locomotoras, que acabou no museo de Salamanca, por idéntico motivo”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial