Visitas ao patrimonio xeolóxico do Pico Sacro

0

Boqueixón, 26 de marzo do 2021 – O concello de Boqueixón retoma as visitas guiadas ao patrimonio xeolóxico do Pico Sacro durante a Semana Santa.

A empresa Geotur Galicia encargarase de organizar estas actividades que contaron con gran acollida durante o pasado verán

O programa desenvolverase os días 1, 2, 3 e 4 de abril entre as 11.00 e as 12.00 horas. As prazas son moi limitadas, co fin de cumprir estritamente con todos os protocolos de seguridade e prevención contra a expansión da COVID-19. Permitirase un máximo de 8 persoas por actividade (máis o guía).

O prezo por participar nestas actividades é de 10 euros por persoa, se ben os/as menores de 12 anos poderán asistir de balde. As reservas deberanse realizar de xeito previo a través do enderezo electrónico geoturgalicia@gmail.com ou no teléfono 675 820 520.

Detalles dos percorridos

Os asistentes poderán descubrir a importancia do Pico Sacro dende o punto de vista xeolóxico. Entre outros detalles, falarase sobre as súas covas de cuarzo natural, as únicas estudadas no mundo.

Tamén a través destas visitas, achegarase ao público parte da historia xeolóxica do planeta tomando o Pico Sacro como referencia. Como complemento, poderase gozar das impresionantes panorámicas da bisbarra compostelá que se poden ver dende este enclave.

Os percorridos terán como punto de encontro o aparcadoiro do Pico Sacro e durarán aproximadamente unha hora. A visita levará ás persoas asistentes a distintos puntos como o cumio principal deste monte, o sub-cumio oeste, as dúas bocas das covas e a Rúa da Raíña Lupa. Cada parada contará con cumprida información sobre a singularidade deste enclave.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial